Kyle Macaulay ayay Manchester United u magacaabay Madaxa cusub ee indha indheynta isagoo la shaqeyn doonaa Christopher Vivell iyo Jason Wilcox

 Kyle Macaulay ayay Manchester United u magacaabay Madaxa cusub ee indha indheynta isagoo la shaqeyn doonaa Christopher Vivell iyo Jason Wilcox. [@David_Ornstein]

39 jirkan ayaa mas'uul ka noqon doona hawlaha indha indheynta kooxda koowaad, wuxuuna horey si fiican ula soo shaqeeyay kooxaha West Ham, Chelsea iyo Brighton.

INEOS ayaa isku dayaysa inay dhisto hab xog iyo falanqayn ku-saleysan marka laga hadlayo indha indheynta iyo saxiixyada labadaba.

Kyle Macaulay wuxuu leeyahay khibrad badan oo dhanka Premier League ah isagoo doorar dhawr ah kasoo qeybtey kooxo dhawr ah.

Waana shaqsi si fiican loogu yaqaan aqoonsashada da'yarta hibada leh ee kasoo baxaya horyaalka hoose.

Taas oo United ay raadineyso inay wax badan ka qabato mustaqbalka, tusaale ahaan, Moises Caicedo oo ay Brighton £4M kagala soo wareegtay Independiente del Valle sannadkii 2021.