Eedaysane Haashim Dhaqane Muxumed ayaa markii ugu horraysay faahfaahin ka bixiyey kiiska loo haysto ee ah inuu ka dambeeyey dilka afar haween ah oo ka dhacay magaalada Nairobi ee xarunta dalka Kenya.
Waxa uu qirtay in loo soo adeegsadey dilka marxuumiinta kala ah Warris Daa’uud, Nusayba Cabdi, iyo Aamina Cabdi, haseyeeshee ay kiiska la ogayd Marxuumad Deeqa Cabdinuur oo uu iyada si gaar ah u diley.
Laamaha dembi baarista dalka Kenya ayaa weli kujira kiiska Haashim oo ahaa midkii ugu argagaxa badnaa ee ay la kulmaan Soomaalida kunool magaalada Nairobi iyo guud ahaan dalka Kenya.
